بعد أيام من اختفائه من معسكر المنتخب المصري المشارك في دورة ألعاب البحر المتوسط بإيطاليا خرج محمد مصطفى علي الشامي، لاعب منتخب مصر للمصارعة الحرة، عن صمته ليكشف عن الأسباب التي دفعته إلى اتخاذ قراره بالهروب من معسكر المنتخب.
وقال “الشامي” على صفحته بـ"فيس بوك:" أنا اللاعب محمد مصطفى علي الشامي، لاعب منتخب مصر للمصارعة الحرة بعتذر من والدي ومن أسرتي على كل اللي حصل، وما كنتش أتمنى أبدًا إني أوصل للمرحلة دي".
وأضاف: "المصارعة كانت وما زالت جزء كبير من حياتي، بدأتها من وأنا عندي ٧ سنين، وعشت سنين طويلة بحلم إني أرفع علم مصر وأحقق إنجاز يفضل فاكرينه".
وتابع: "الحمد لله، قدرت أرفع علم بلدي في بطولات أفريقيا وبطولات دولية كتير، وكان أكبر حلم عندي إني أحقق ميدالية أولمبية وأوصل لأعلى مكان ممكن في الرياضة اللي حبيتها وعشت عمري كله عشانها".
وأردف في رسالته: “لكن في لحظة معينة، حسيت إن والدي تعب، وإن الحياة بقت صعبة عليه، وأنا أكبر إخواتي، فكان لازم حد يضحي ويتحمل المسؤولية، أنا بعتذر مرة تانية لوالدي ولأسرتي، وبعتذر لكل شخص وقف جنبي وساعدني وساندني في مشواري، ومش هنسي أبدًا وقفة أي حد معايا.. بس غصب عني أنا لقيت نفسي كبرت وما بقيتش عارف أطلب من والدي حاجة والدعم اللي بيجي لي ما يخلنيش أعيش حياة كريمة، وأنا لازم أأمن نفسي وأأمن حياتي، ودا مش موجود، وكان لازم دا يحصل لأن أنا لو لا قدر الله كان حصل إصابة ما كنتش هلاقي أو بطلت مصارعه ما كنتش هلاقي دعم بعد كل اللي أنا حققته من إنجازات”.
واسنطرد: "يمكن الطريق اتغير، ويمكن الحلم اتأجل، لكن الحلم نفسه لسه موجود وإن شاء الله، هرجع أكمل مشواري، وأرفع علم بلدي من جديد، وأحاول أحقق الحلم اللي ما قدرتش أحققه لحد دلوقتِ ربنا يكتب لي الخير".
واختتم اللاعب مصطفى الشامي رسالته: "بحسبة بسيطة أنا لوقعدت 15 سنة كمان في نفس المكان اللي كنت فيه مش هعرف أجيب شقه أتجوز فيها، وشكرًا".
- مجدي الجلاد: هل ذهبت لدمشق لتدافع عن عبد الناصر وليس بشار الأسد؟ حمدين صباحي يرد
- نسرين أمين عن أدوار الإغراء: مبقتش موجودة زي زمان
- إبراهيم المعلم عن تقييمه لوزراء الثقافة: "منصور حسن الأكثر شجاعة وهذه رؤيتي لفاروق حسني"
- مروان فارس ومصطفى ليشع يخوضان أول بطولة درامية في «دافنينه سوا»
- راندا البحيري تكشف تفاصيل رحلتها مع المرض بعد 7 سنوات من المعاناة:«كنت يوميًا بعيط من الوجع»
