ردت الفنانة المعتزلة شمس البارودي، على الانتقادات التي تتعرض لها بسبب استمرار حديثها عن زوجها الراحل الفنان حسن يوسف، ونشر صور وذكرياتها معه عبر مواقع التواصل الاجتماعي، كما تحدثت عن أسباب هجوم البعض عليها، وتطرقت إلى ارتدائها الحجاب والعباءة السوداء والنقاب في مراحل سابقة من حياتها.
وقالت شمس البارودي، في مقطع فيديو، متحدثة عن الأشخاص الذين يهاجمونها: «الناس اللي بتهاجمني دول اللي هم كانوا حابيني أول ما التزمت... أول ما التزمت أنا لبست حجاب الأول، وبعدين لبست بعد كده بعد ما قرأت لابن عثيمين وابن باز لبست العباية السودة والنقاب. وبعدين لما قرأت في صحيح الدين وقرأت للدكتور يوسف القرضاوي والشيخ الغزالي، لقيت إن السواد يعني ما هواش فرض على المرأة المسلمة لأن ده كان لبس أهل السعودية وقتها، يعني إحنا مشينا في هذا الركاب يعني».
وأضافت: «وفي الوقت نفسه النقاب برضه، كشف وجه المرأة هو الأصل، وده اللي قالهولي الشيخ الشعراوي والدكتور يوسف القرضاوي بشكل شخصي، وده بشأن نقابي، بعد ما لقيت صعوبة في لبس النقاب في أماكن في أوروبا وأنا بروح لبنتي وولادي وهم بيتعلموا بره، حتى النوادي المصرية كانت بتمنع دخول النقاب. فكان الأمر وأنا كنت متمسكة بيه، بس لما عرفت إنه ليس من الدين وكما يقال يعني إنه فضل، يعني حتى لسه كانت أخت منقبة تقولي طب هو فضل؟ قلت لها آه أوكي فضل».
شمس البارودي لـ نجوى إبراهيم بعد اعتراضها على أزياء الفنانات: «النصيحة في العلن فضيحة» «بتعجزونى وأنا مش مكرمشة».. شمس البارودي تهاجم المتلاعبين بصورها بالذكاء الاصطناعي «لقى مقاسي في محلات الأطفال».. شمس البارودي تكشف موقفًا طريفًا من ذكرياتها مع حسن يوسفوتحدثت عن الأشخاص الذين ينتقدونها بسبب نشر صورها القديمة مع زوجها الراحل، قائلة: «فهم دول اللي بيهاجموا، وبيهاجموا يعني شفت واحدة بتهاجم مش على صفحتي ولا تجرؤ إنها تهاجم على صفحتي، وتتقول ألفاظ على إنها هي بقى ملتزمة، وهي كل ما كتبته في حقي لا يمت للدين بصلة، وهي فاهمة إنها كده بقى ربنا راضي عنها وإنها بقى من أهل الجنة وكمان بتزكي روحها. وبعدين إيش عرفكم أنتم؟ أنتم مالكم ومال حالي أنا مع الله؟ وبعدين أنا بعمل كل حاجة عملتها في حياة زوجي، أنتم ما كنتوش صفحتي ما كنتوش شايفينها، أنا مالي إن أنتم ما كنتوش مفتحين عينيكم؟ فتحتوا عينيكم بس لما حبيبي راح».
وأضافت أنها بدأت التواصل مع الجمهور عبر مواقع التواصل الاجتماعي منذ عام 2005، لكنها كانت تستخدم حساباتها في نطاق ضيق، قائلة: «أنا كنت بتواصل على السوشيال ميديا من 2005 بس في نطاق ضيق، ما كنتش عاملاها عام (بابلك). لما حبيت أتكلم عن حبيبي وأعرف الناس مين حسن يوسف الإنسان مش الفنان، الناس كلها والله العظيم كل متابعاني وبيقولولي حبيناه أكتر لأننا ما كناش نعرف إن هو كده».
وتابعت: «وعمومًا أنا وريت قدوة من قدوات الأزواج، يعني إزاي فعلاً زوجي ده يقتدى بيه كزوج وأب، وإن هو إزاي كان إنسان معطاء ومحترم وحنين وراقي في عشرته مع زوجته ومع أبنائه ومع أهله، يعني مش أهل بيته بس، أهله عموماً يا حبيبي، إخواته ومامته وباباه، وأهلي أنا، إخواتي ومامتي وبابايا والعيلة وخلاني. إنسان كان إنسان بمعنى الكلمة. فأنتم ليه زعلانين إن أنا بتكلم عنه؟ أنتم غيرانين بقى منه ولا إيه؟ والله العظيم».
وعن استمرار حديثها عن زوجها الراحل، قالت: «وبعدين هي طبيعية ولا مش طبيعية علشان ما نسيتوش؟ لا أنتم عايزين أنسى عشرة عمري؟ أقعد بقى أنا لوحدي بقى كده وأحط إيدي على خدي؟ ما أنا قلت لكم في قبيلة في الهند لما الزوج بيموت بيربطوا الست كده جنب القبر علشان يدفنوها معاه. أنتم مجانين! أنا بمارس حياتي بمنتهى العقلانية والحرية، بالعكس ده أنا شلت مسؤوليات كان حبيبي شايلها لأولادي».
وأوضحت أن نشر ذكرياتها مع حسن يوسف جاء بهدف تعريف الجمهور بحياتهما، مؤكدة أن الصور التي تشاركها ليست من ألبومها الشخصي، قائلة: «وبعدين صوري اللي أنا بنشرها دي بتجيلي، مش أنا بطلعها من ألبومي، دي مش موجودة في ألبومي، الصور دي بتجيلي من ناس من صفحات، فأنا بحبها جداً وبروح أنشرها لأن دي حياتي دي ذكرياتي مع زوجي، دي مش هتتمحي، ده مش فيلم أنا بنشر صوره، دي حياتي أنا وحسن، أنا وعشرة عمري 53 سنة، دلوقتي بعد ما مرت سنتين على وفاة حبيبي يبقوا 55».
وأكدت تمسكها بمواصلة الحديث عن زوجها الراحل، قائلة: «أي إنسان محترم بيفضل تاريخه وسيرته تذكر بكل خير، وأنا طول ما أنا عايشة هفضل أتذكر زوجي طول ما أنا عايشة».
كما رفضت المطالبات بإغلاق صفحتها على مواقع التواصل الاجتماعي، وقالت: «وعايزيني تقعدوني، عايزيني أقفل صفحتي بأي شكل؟ لا مش هقفل صفحتي! لا أنا ست الحمد لله مثقفة وقارئة وبكتب ما يحلو لي في حدود العرف والأخلاق والرقي، وبنشر صوري أنا وزوجي، مش صور أفلام، دي صوري لحبيبي».
وفي ختام حديثها، شددت على أنها لا تسعى وراء المكاسب المادية من الظهور الإعلامي، قائلة: «وما بجريش ورا المادة على فكرة يعني، عشان بيتعرض عليا فلوس في حاجات كتير لو عرضت عليكم يعني للهثتم وراءها يا من تهاجموني، للهثتم وراءها، جريتوا وراها، ورا الفلوس اللي بتتعرض عليا عشان أنزل بس أعمل... الحمد لله مستورة مستورة وأقدر أظبط حالي بالستر اللي ربنا ساتره لي ولجوزي حبيبي، يعني ما همش ملايين إنما اللي يشوفني يقول عليا ملياردير عشان هو ده كرم ربنا، ده كرم ربنا».
- رشا مهدي عن مهرجان القاهرة السينمائي: «شكرًا على المجهود المبذول» (فيديو)
- كيف أتاح يوسف بطرس غالي للشباب فرصًا حقيقية داخل الحكومة؟ زياد بهاء الدين يجيب - فيديو
- هاني رمزي عن إطلالة محمد رمضان في «كوتشيلا»: «إيه علاقة علم مصر بالملابس دي؟»
- «بتعجزونى وأنا مش مكرمشة».. شمس البارودي تهاجم المتلاعبين بصورها بالذكاء الاصطناعي
- شمس البارودي توجه رسالة بشأن التعليقات المسيئة عبر مواقع التواصل الاجتماعي






