«بتعجزونى وأنا مش مكرمشة».. شمس البارودي تهاجم المتلاعبين بصورها بالذكاء الاصطناعي

أثارت الفنانة شمس البارودي حالة من الجدل عبر مواقع التواصل الاجتماعي، بعد أن عبّرت عن استيائها من تداول صور لها جرى تعديلها باستخدام تقنيات الذكاء الاصطناعي، مؤكدة أن الصور المتداولة لا تعكس ملامحها الحقيقية، وأنها لم تخضع لعمليات تجميل، كما شددت على اعتزازها بعمرها وشكلها الطبيعي

وكتبت شمس البارودي عبر حسابها الرسمي على «فيسبوك»: «بتعجزونى في صور بالذكاء قصدين، ودي صورى الأسبوع الماضي، يعنى مش مكرمشة ولا عاملة عمليات نفخ ولا تصغير ولا تكبير زى منا ربنا مكبرنى بشكل محترم على رأي صديقة حبيبة إعلامية بتقولى وشك مابيبنش عليه خطوط عريضة اللي بتحصل لكبار السن».

وأضافت: «أنا تميت 81 الحمدلله ونشيطة ورياضية وبحب سنى وشكلى واستعملت أديا في خدمة بيتى وولادى، ف اتلهوا وحطى صورى بتاعتى دلوقتي ماتلعبوش فيها يا مرضي، ده إنتوا فعلآ عبط أوي أوى كده ليه بجد».

وحصد المنشور تفاعلًا كبيرًا من محبيها؛ قائلين: «انتي قمر في جميع حالاتك»، «جمال بلا تكلف رقي واحتشام»، « لعلم حضرتك إللي بيحبك هيشوفك دايما بالصورة الأولى اللي انطبعت في ذاكرتنا مهما عدت السنين هتفضلي دايما القمر».

وعلق آخرون: «والله الحلو حلو من جوه هو مش بالشكل ابدأ ربنا سبحانه وتعالى بينظر لقلوبنا مش لوجوهنا وحتي لو الإنسان كبر وبان عليه وأي يعني ما يبان عليه فيها أي ما كده كده هيبقي عجوز ودي سونت الحياة»، «سيبك من أي كلام وركزي في حياتك واللي انتي عايزة تعمليه وبراحتك واحنا حابين نشوفك في اي وقت».

شمس البارودي لـ نجوى إبراهيم بعد اعتراضها على أزياء الفنانات: «النصيحة في العلن فضيحة»