آيتن عامر تعتذر لـ شيماء سيف بعد أزمة «مش هتخلفي غير لما تخسي»: «مكنتش أقصد».. والأخيرة ترد

وجهت الفنانة آيتن عامر رسالة اعتذار للفنانة شيماء سيف، بعد تصريحات الأخيرة خلال ظهورها في برنامج «تحت الضغط»، أن أيتن عامر هي من وجهت لها في السابق عبارة جارحة أمام زوجها قائلة: «مش هتخلفي غير لما تخسي»، وبرأت في نفس الوقت الفنانتين بدرية طلبة وانتصار من هذه الشائعة، وأكدت شيماء أن موضوع الإنجاب «قدر» ولا يجوز التدخل فيه أو توجيه مثل هذه النصائح الشخصية.

وقالت آيتن عامر، في فيديو نشرته على صفحتها: «حقك عليا، أنا عايزة أراضيكي، وكنا بنتكلم على موضوع من 5 سنين، عن الدايت وزيادة الوزن وعمليات التكميم، ومكنتش أقصد أجرحك، متزعليش، صعب على أي إنسان يحس إن كلامه كان سبب في زعل أو وجع حد، وساعات أحسن حاجة ممكن يقدمها هي اعتذار صادق من القلب».

ومن جانبها قبلت شيماء سيف اعتذار آيتن عامر، وكتبت: «حبيبتي يا آيتن، اعتذارك مقبول وعلى راسي، وأنا أكيد عارفة، بس صدقيني مش كل المواضيع ينفع فيها النصح، وخصوصًا قدام زوجي، اللي كنا وقتها مش معرفين حد المشكلة فين، وده اللي أقصده إن البيوت أسرار مقفولة على أوجاعها».