نجم المصرى السابق يطالب بتغليظ العقوبات على اللاعبين

أعرب عمرو الدسوقي قائد فريق النادي المصري السابق عن استيائه من سوء النتائج المتتالية التي يمر بها النادي في الفترة الحالية، مطالبًا بضرورة التدخل الحاسم وفرض عقوبات رادعة على اللاعبين لإعادة الانضباط داخل الفريق.

​ووجه "الدسوقي" رسالة مباشرة وشديدة اللهجة للاعبي الفريق عبر تصريحات صحفية مستنكرًا الحالة التي وصلت إليها صفوف الفريق وقال: ​"انتوا فين من اللي بيحصل ده رئيس النادي موفر لكم كل حاجة وبيتغير مدربين فين الروح بتاعتكم داخل الملعب اللعيبة مش موجودة خالص".

​وأضاف: "نحن جميعًا بنشاهد اللاعبين في الدقيقة 70 أو 80 مش حاسس إن في اي لاعب عنده روح و رغبة في الحصول على الـ3 نقاط ويكسب الروح مش موجودة داخل الفريق و حتى لو هتجيب أي مدرب هيدخل نفس النفق".

​وأشار قائد المصري السابق إلى أن غياب المسؤولية لدى بعض اللاعبين يعود للراحة المفرطة خاصة وأن اللاعب أصبح مرتاح ماديًا ومعنويًا ويحصل على كافة مستحقاته بانتظام مع إلقاء مسؤولية النتائج دائمًا على المدير الفني وحده، مؤكدًا أن اللاعب أصبح مرتاح بياخد فلوس ومعندوش أي مشاكل ولو في أي مشكلة في الفريق بتغير المدير الفني وهو اللي بيبقى متحكم في كل شيء لأ الموضوع مش كده خالص لازم يكون في عقوبات أكثر حزمًا وقوة على اللاعبين".

وأشاد "الدسوقي" بالدور الكبير والجهود المبذولة من جانب مجلس إدارة النادي برئاسة كامل أبو علي، مؤكدًا أن الإدارة تعمل على توفير كافة الاحتياجات المادية والنفسية للاعبين لتحفيزهم على الفوز.

​وأضاف أن كامل أبو علي وإدارة النادي المصري ناس محترمة جدًا ومش عايزين يزعلوا اللعيبة وعايزين يصرفوا ليهم أكتر من اللي بياخدوه وعايزينهم يكسبوا عشان يصرف ليهم مكافات لكن في الأوقات اللي زي دي لازم الخصومات تتنفذ على جميع اللاعبين ويكون فيه انضباط والتزام.

واختتم عمرو الدسوقي رسالته بضرورة استشعار المسؤولية من الجميع داخل النادي قائلاً: ​"اللاعب اللي مش عايز يقعد في بورسعيد لأ يقعد في بورسعيد غصب عنه و المفروض تقفل على نفسك عشان تحسن النتائج لأنها سيئة و الجمهور مش هيستحمل الوضع ده و الموضوع كله في إيد اللعيبة لأنهم هما اللي وصلوك للوضع ده".

يأتي هذا الهجوم في وقت يسعى فيه مجلس إدارة النادي المصري والجهاز الفني للبحث عن حلول عاجلة لتصحيح المسار واستعادة نغمة الانتصارات.