رانيا فريد شوقي: تفتكروا إحنا فعلا بنعرف نشوف عيوبنا.. ولا بنشوف عيوب غيرنا أوضح بكتير!

شاركت الفنانة رانيا فريد شوقي متابعيها عبر حسابها الرسمي على موقع التواصل الاجتماعي «فيسبوك» رسالة إنسانية عن طبيعة العلاقات بين البشر، وكيف يرى كل شخص نفسه صاحب الحق في الحكاية، حتى لو كان سببًا في ألم الآخرين.

وكتبت رانيا فريد شوقي: «فيه حاجة غريبة في البشر... كل واحد فينا شايف نفسه بطل الحكاية، حتى لو كان هو السبب في وجع حد تاني».

وأضافت: «اللي سابك شايف إنه كان مضطر، واللي خذلك عنده مبررات، واللي جرحك ممكن يكون مقتنع إنه المجروح».

وتابعت الفنانة حديثها، مشيرة إلى أن أصعب ما في التعامل مع البشر هو أن كل شخص يرى الأحداث من وجهة نظره الخاصة، دون أن يتوقف لمراجعة تصرفاته أو التفكير في تأثيرها على الآخرين، قائلة: «يمكن أصعب حاجة في التعامل مع البشر إن كل واحد بيحكي الحكاية من ناحيته، ونادرًا ما بيقف ويسأل نفسه: طب أنا كنت عامل إيه في الحكاية دي؟».

واختتمت رانيا فريد شوقي رسالتها بطرح سؤال على متابعيها حول قدرتهم على الاعتراف بأخطائهم ورؤية عيوبهم بوضوح، قائلة: «تفتكروا إحنا فعلا بنعرف نشوف عيوبنا، ولا بنشوف عيوب غيرنا أوضح بكتير؟».