ماذا قال صبري فواز عن هجوم نجوى إبراهيم على إطلالات النجوم في المهرجانات؟

علق الفنان صبري فواز على هجوم الإعلامية نجوى إبراهيم، الذي وجهته بشأن إطلالات بعض النجوم في المهرجانات الفنية، وكتب صبري فواز عبر«فيسبوك»: «أستاذة نجوى إبراهيم، كل الاحترام والتقدير لرأي أي حد، بس من فضل حضراتكم لما تحب تنتقد، حدد الشخص اللي عاوز تنتقده، عاوز تتكلم على اللي مش عاجبك حدد هو مين بالاسم».

وفي نفس السياق، شنت الإعلامية نجوى إبراهيم هجومًا حادًا على مظهر وإطلالات بعض الفنانات المصريات في الأعمال الدرامية والمهرجانات السينمائية، مؤكدة أن لكل مكان ملابس تناسبه وأنه لا يصح أبدًا الذهاب إلى العمل بملابس البحر.

وقالت: «إحنا ليه بقى منظر الستات المصريات في الدراما والمهرجانات بالشكل ده؟». وتابعت حديثها موجهة رسالة تحذيرية للفنانات: «اقري العقد، لو قالك البسي كده واقلعي كده قولي لأ، أنتم في مهن غير حرة ولستم أحرارًا».

وأضافت: «الست هي أقيم شيء في الدنيا لأنها بتدينا الحياة»، متابعةً: «أنتي هتبقي أم ولازم يكون ولادك فخورين بيكي».

واختتمت حديثها قائلة: «مش معقول واللي مستغرباه إن الزوج بيبقى فرحان جدًا بظهور مراته بالشكل ده، إزاي يعني؟، والله أنا خايفة على الشباب الجداد».