«مش ذنبي إن سني مش باين على شكلي؟».. شمس البارودي تهاجم منتقديها: «هو أنا لازم ألبس العباية السودة والنقاب»

هاجمت الفنانة المعتزلة شمس البارودي منتقديها ومروجي الشائعات عنها، معربة عن استيائها من التعليقات المسيئة لمظهرها، والشائعات التي تزعم إصابتها بالجنون وإيداعها مستشفى للأمراض العقلية، متسائلة عن أسباب هذا الهجوم الذي تتعرض له.

وقالت شمس البارودي، في فيديو نشرته عبر حسابها على فيس بوك، ردا على الانتقادات المتعلقة بمظهرها وحجابها: «هو أنا لازم ألبس العباية السودة عشان أرضي أهل الشر على رأي الريس؟ يعني أنا لازم ألبس العباية السودة والنقاب وأنا في سني ده، وأنا ذنبي إيه إن سني مش باين على شكلي؟».

وأكدت تمسكها بحجابها وعدم اقتناعها بالنقاب، مشيرة إلى أنها ترى أن كشف الوجه هو الأصل في الإسلام، مستشهدة بآراء قالت إنها سمعتها من الشيخ محمد متولي الشعراوي، كما انتقدت الحكم على الآخرين من خلال مظهرهم، متحدثة عن تجاربها مع بعض المنتقبات.

كما ردت شمس البارودي على الشائعات المتداولة بشأن حالتها الصحية والعقلية، معربة عن غضبها من العناوين التي تزعم إصابتها بالجنون أو دخولها مستشفى للأمراض العقلية، وقالت: «يعني بقى في حالة هجوم غريب جدا على شخصي بشكل مش طبيعي، منظم كأن حد موظفهم لكده، يعني إيه الشخصية اللي هو اسمه المفكفك ده حاطط عنوان إيداع شمس البارودي مستشفى الأمراض العقلية؟ يعني أنا مش فاهمة طب أرد عليه إزاي؟ واحد تاني اسمه محمد رشدي يقولك شمس البارودي اتجننت، يعني ليه؟».

وأضافت: «أنا بعمل فيديوهات زي كل الستات اللي بتعمل محتويات، بس أنا بعمل محتوى محترم وراقي، إيه اللي واجعكوا فيه؟ يعني أنا مش فاهمة إزاي أنتوا بتجيبوا الكلام ده وإزاي بتحطوا العناوين دي».