«بندعي ربنا تعدي».. نجل محمد الحلو يكشف تفاصيل الحالة الصحية لوالده

كشف حمادة الحلو، عن آخر تطورات الحالة الصحية للمطرب محمد الحلو، وذلك بعد تعرضه لازمة صحية خلال الأيام الماضية نقل على أثرها للعناية المركزة.

وقال حمادة في مداخلة هاتفية ببرنامج «الستات ما يعرفوش يكدبوا»، المذاع عبر شاشة «CBC»، وتقدمه الإعلاميتان منى عبد الغني ومها بهنسئ قائلًا: «حطينا 5 دعامات في القلب، وفيه رشح في الرئة، ودي المرحلة اللي بندعي ربنا تعدي».

وأضاف الحلو: «هو ما زال في العناية المركزة، والدكتور كان قال إنه هيطلع بكرة، والارتشاح على الرئة بيقل، لكن لسه موعد خروجه مش مؤكد».

تحدث حمادة الحلو، عن موقف حدث قبل الحفلة الأخيرة لمحمد الحلو بيوم، قائلًا: «صحيت وعديت عليه في أوضته، قالي كنت هخبط عليك أصحيك، مش عارف أتنفس ودماغي الشمال واجعاني».

وأضاف: «هو طول الوقت أي حاجة تجيله يقول برد، لو الدكتور مجدي يعقوب نفسه جاله هيقوله أنا عندي برد».

وتابع حمادة الحلو: «أنا مستغرب إزاي الراجل ده ما شاء الله وقف قدام الجمهور وغنى وكان تعبان».