أحمد مراد يكشف فلسفته في فيلم «الست»: «كنت بدور على الأزمة فين في حياة أم كلثوم» (فيديو)

كشف الكاتب والسيناريست أحمد مراد عن كواليس كتابته لفيلم «الست» الذي يتناول سيرة كوكب الشرق أم كلثوم، وذلك خلال لقائه في بودكاست الإعلامية دينا غبور.

ورد مراد على إشادة دينا بالفيلم، حيث قالت له: «إنت في فيلم الست طلعت برضو حتة اللي فيها شوية... كلنا فينا ده مليون المية، وده أكتر حاجة أنا حبيتها في فيلم الست وده أكتر حاجة زعلت ناس كتير، عجبني طريقة هندلتك ليها، أنا روحت السينما وطلعت قلت من أحلى لو مش أحلى ومن أقوى الأفلام العربي اللي شفتها في آخر سنين، وعجبني إنك طلعت الست بكامل احترامنا ليها، نظرتي بيها ما اتغيرتش نقطة ولكن بينت الإنسان اللي فيها».

ورد أحمد مراد موضحا فلسفته في العمل:«لما القمر بيبقى مكتمل بيبقى عبارة عن دايرة بيضا، أجمل ما فيه لما بيبقى ناقص حتة، بيدور بنفهم إنه ثلاثي الأبعاد، هو ده اللي أنا عملته مع أم كلثوم، كنت دايما بدور على إيه في أم كلثوم لغاية ما قررت أعمل الفيلم ده، كنت بدور على الأزمة فين».

وأشار مراد إلى أن إظهار الجانب الإنساني والناقص في شخصية عظيمة بحجم أم كلثوم هو ما يجعلها أكثر واقعية وثلاثية الأبعاد، وليس مجرد أيقونة مثالية، وهو الأمر الذي قسم آراء الجمهور بين مؤيد ومعارض بعد عرض الفيلم.

View this post on Instagram

A post shared by Dina Ghabbour (@dghabbour)

فيلم الست من بطولة منى زكى، وأحمد خالد صالح، وسيد رجب، ومحمد فراج، وتامر نبيل، وعمرو سعد، وآسر ياسين، وكريم عبدالعزيز، تأليف أحمد مراد، وموسيقى تصويرية هشام نزيه، ومونتاج أحمد حافظ، وإخراج مروان حامد.