هاجم الإعلامي عمرو أديب إدارة السكك الحديدية مطالبًا بضرورة محاسبة المسؤولين ورحيل وزير النقل بعد حادث قطاري العياط، قائلًا: "هي مصر بلد ولادة ولا عاقر؟.. مش هنعرف نجيب وزير نقل لو الوزير الحالي مشي؟.. هذا الرجل قد تكبد الكثير ولكن كده خلاص بقى".
وأضاف أديب خلال برنامجه "الحكاية" عبر فضائية "إم بي سي مصر": "انت قولتلي المزلقانات إلكترونية.. هوا إحنا لازم نجيب حسين رياض بالمشاعل عشان ينور للقطارات؟.. لو مبتعرفوش تشغلوا قطر بلاها قطارات"، متسائلًا: "هو لازم يموت كام واحد عشان الوزير يرحل؟.. اللي ميعرفش يرحل ونجيب إدارة من برة".
وشدد على أن هذا الأمر في رقبة ولي الأمر، قائلًا: "وأنا أعرف أنه مخلص ومتدين ويعرف الحق.. متشكرين وبكل حب ومودة"، متسائلًا: "أين مجلس النواب؟.. هل الوزير سيقف أمام البرلمان؟.. عايزين لجنة برلمانية تحقق وتقسم أن تقول الحقيقة للناس حتى تصدر قرار بإيقاف هذا الرجل عن منصبه تمامًا".
وتابع أديب: "انت أكتر واحد صرفت فلوس على المشاريع في مصر والناس متحملة.. نقوم نجيب الناس من تحت الأنقاض؟.. الحادث السابق مشيت رئيس الهيئة.. طب النهاردة هتمشي مين؟".
وأكمل: "مرة واحدة حد يقولنا الحقيقة.. يا سيادة الوزير أرجوك بكل نبل وأخلاق تقدم باستقالتك لرئيس الجمهورية.. البيان طالع يقولي اللي عايز فلوس التذكرة يتفضل ياخدها.. طب اللي فقد أبوه وأخوه هياخدهم إزاي".
- عمرو أديب: إقالة حسام حسن قرار حكيم ونهايته تراجيدية لم تحدث لأي مدرب
- عمرو أديب: لو كنت مكان حسام حسن لقدمت استقالتي فورًا
- خبير تربوي: التقييمات الحالية تضغط الطلاب وأولياء الأمور بشدة
- عمرو أديب: آن الأوان للحكومة أن تتقشف قبل مطالبة المواطنين بذلك
- بعد اتهامات عبد الرحيم علي لمنصة "غربال".. عمرو أديب ينشر رد وتصحيح
