هاجر حاتم تنشر فيديو من كواليس «طالع نازل» مع منى زكي: الأحلام تتحقق (فيديو)

كشفت الفنانة هاجر حاتم، عن لقطات من كواليس مسلسل «طالع نازل»، الذى تشارك فيه مع منى زكى، ومحمد شاهين، وعدد آخر من الفنانين.

ونشرت هاجر عبر حسابها الرسمى بـ«فيسبوك» فيديو من كواليس المسلسل، وعلقت عليه قائلةً: «يا جماعة شايفين أد إيه أنا محظوظة وربنا بيحبني.. مهما قلت فى حق الفنانة منى زكي‬ عمره ما هيكفى ومهما أشكرك على مساعدتك ليا من أول يوم تصوير عمره ما هيكفى.. من أول لحظة وانتى بتساعدينى وبتنصحينى».

وتابعت: «حقيقى كنت بابقى مبهورة وأنا واقفة قدامك وفى نفس الوقت بابقى مطمنة عشان عارفة إنه طاقتك وجمالك بيودوا المشاهد فى حتت تانية سحر غريب فيكى عمرى ما شفته عند حد بجد وممتنة انه أنا من الناس اللى شافت دا ع الحقيقة».

وأضافت هاجر: «من جمالك وسحرك فى مرة المخرج هانى خليفة قال أكشن والكلام كانت بدايته عندى وانا مسمعتوش، ما أنا فى حتة تانية بقا ومن كتر ما أنا كنت مستغربة الطاقة الساحرة دى.. يارب دائمًا تبهرينا بفنك ونتعلم منك حبك لشغلك وأمانتك وإخلاصك ومحاولاتك دائمًا إنك تقدمى أحلى حاجة وتبسطينا».

واختتمت هاجر رسالتها لمنى زكي: «وشكرًا على كلامك الجميل ليا، على مساندتك من اول يوم تصوير وطاقتك الحلوة اللى كانت بتملى اللوكيشن، ممتنة ليكى من كل قلبى، وبحبك أوى أوى يا أستاذتى».

وعن كواليس الفيديو أضافت: «بحب الفيديو دا أوى كان من أول يوم تصوير ليا وبحب اليوم دا كان حلو بكل تفاصيله وأحلى ما فيه إنه اتعرفت عليكى عن قرب لا وكمان اشتغلت معاكى.. شفتوا اد ايه أنا محظوظة».