منى زكي توجه رسالة لغادة عبد الرازق: «فنانة قوية ولازم تعرف قيمتها» (فيديو)

تحدثت الفنانة منى زكي، عن الفنانة غادة عبد الرازق، مشيدة بموهبتها ومكانتها الفنية، ومؤكدة أن الجمهور لا يزال ينتظر أعمالها، حتى مع فترات غيابها عن الساحة.

وقالت منى زكي، خلال لقائها مع الإعلامية لميس الحديدي في برنامج «الصورة» مع الاعلامية لميس الحديدي: «أكيد عندي خوف من الفشل، بس هو مين مفشلش قبل كده؟ دي الدنيا، لازم تبقي خايفة علشان تحافظي على اللي عملتيه، ورغم الفشل بيبقى ليك مكانة في قلب الناس».

وأضافت: «بيحضرني نجمة كبيرة، وهي مش فاشلة خالص، ولكن غادة عبد الرازق، شوفي بتغيب قد إيه والناس بتستناها في أي لحظة، لأن أي عمل هي عملته قبل كده علم كويس أوي في الناس».

وأوضحت منى زكي أنها تعمدت الحديث عن غادة عبد الرازق لتذكيرها بمكانتها لدى الجمهور، قائلة: «قصدت أتكلم عنها لأنها لازم تعرف قيمتها، ولازم تفهم أن الناس مستنياها، هي أستاذة كبيرة وفنانة قوية ومتفردة في اللي بتعمله غير أي حد، وبتعمله بقوة وثبات غير عادي».