منى زكي بعد تكريمها في مهرجان الجونة: «ما تخلوش الخوف يتحكم فيكوا.. لأنه بيكتف وبيقيد»

وجهت الفنانة منى زكى رسالة إلى الشباب بضرورة مواجهة الخوف وعدم السماح له بالسيطرة على قراراتهم، مؤكدة أن الصراع مع المخاوف الداخلية قد يكون دافعًا للاستمرار والنجاح، وذلك خلال كلمتها عقب تسلّمها جائزة الإنجاز الإبداعى فى حفل افتتاح الدورة التاسعة من مهرجان الجونة السينمائى أمس.

وحرصت منى زكى على توجيه الشكر إلى المخرجين والمؤلفين وجميع العاملين خلف الكاميرا الذين تعاونت معهم خلال مشوارها الفنى، مشيرة إلى أنهم ساندوها فى الأوقات الصعبة، وكانوا مصدر دعم لها فى مواجهة الأزمات وتجاوز مخاوفها.

وقالت منى زكي: «بشكر كل مخرج، وكل مؤلف، وكل حد ورا الكاميرا أنا اشتغلت معاه، لأن كلهم علمونى كتير أوى، وكلهم سندونى كتير أوى، كلهم كانوا بيعرفوا الوقت اللى أنا ببقى فيه على الأرض، مخبوطة بمية شاكوش على راسى، وكانوا بيقفوا جنبى كتير، بيسندونى وبيقوونى».

وأضافت: «مش عارفة أقولكوا إيه، بس حقى إنتوا عيلتى الكبيرة».

و أوضحت: «مش عايزة أتكلم عن الخوف كتير، بس أنا عايزة أقول للناس الشباب إن ما تخلوش الخوف يتحكم فيكوا، حاولوا كده تتجاهلوه، ما تحسوش بيه وتدوسوا عليه، لأن الخوف ده بيكتّف وبيقيّد».

وتابعت فى كلمتها: «أعتقد إن أنا لو ما كنتش دايمًا فى الصراع ده، عمرى ما كنت هعرف أقدم حاجة، لأن الخوف بيبقى جوايا طول الوقت، بس هى حرب لازم كلنا نعملها جوه نفسنا عشان نقدر نقوم تانى ونكمل، وإن شاء الله نكمل. شكرًا، مرسى أوى أوى أوى أوى أوى، شكرًا».