مدحت العدل: «المجتمع ظالم للمرأة عمومًا.. ولدينا أزمة مرضى نفسيين» (فيديو)

تحدث السيناريست مدحت العدل عن السلوكيات المجتمعية الحالية، مؤكدًا أن المجتمع ككل يظلم المرأة، وليس الأعمال الفنية وحدها كما يظن البعض.

وفي تصريحاته لبرنامج «عرب وود»، قال مدحت العدل: «أصل هما بيقولوا المرأة مظلومة مش عارف إيه، هو المجتمع ظالم للمرأة عمومًا، مش فكرة السينما».

وأضاف مستنكرًا الهجوم على الفن: «ده السينما ما بنقاش بينا بنسبة بيعتبروا الفن حرام والسينما، ما إحنا قعدنا 40 سنة بيحصل لنا، أو بيحصل للناس يعني، فانت ما تيجي دلوقتي فجأة عايز تعدل لي كل حاجة؟ لأ».

View this post on Instagram

A post shared by ArabWood (@arabwoodtv)

وضرب العدل أمثلة على التناقض المجتمعي وتعليقات السوشيال ميديا قائلًا: «شوفي تعليقات الناس على الولد اللي قتل أخته لإنها راحت اسكندرية.. الشابين دول أطفال 18 و16 سنة، شوفي تعليقات التشجيع.. يا جماعة دول مرضى نفسيين أنتوا مش عارفين دول لازم يتعالجوا، دول يتحطوا».

واستطرد موضحًا خلل منظومة التفكير: «فانت ده مجتمع، ده منهج تفكير مجتمع تخلف وما بقاش زي الأول»، وعن دفاعه عن طرح وجهة نظره وعدم خوفه من ردود الفعل، علق بالقول: «أنا.. يا ستي أنا سنى كام سنة دلوقتي لسه هبتدي هخاف؟.. لا.. ما بخافش من حاجة أنا بقول وجهة نظري وأنا وأنا قلت إيه غلط؟».

واختتم العدل حديثه بالإشارة إلى تفشي الجرائم والدفاع عن الجاني في بعض الوقائع الشهيرة مثل واقعة المنصورة، متسائلًا باستنكار: «لما تبقى ولد سن 18 سنة بيذبح أخته لأنها راحت اسكندرية.. هل ده إنتي موافقة عليه؟.. حد فينا بيقوله؟.. ده حد موافق على ده يعني أصلًا؟، الولد اللي قتل حبيبته في المنصورة والناس بتدافع وبتقول إن البنت اللي غلطانة وذبحها.. فيا جماعة احنا فين يا جماعة إحنا إحنا مجتمع مريض».