«عمرو ياسين مكانش بيسبني».. آيات أباظة تكشف تفاصيل أصعب أيام قضتها في المستشفى

كشفت الإعلامية آيات أباظة عن تفاصيل فترة مرضها بالسرطان التي قضتها داخل المستشفى، مشيدة بالدعم الكبير والمساندة التي تلقتها من زوجها السيناريست والكاتب عمرو محمود ياسين، ونجلها الفنان الشاب محمود عمرو ياسين خلال هذه الأزمة.

وتحدثت آيات خلال لقائها مع الإعلامية منى الشاذلي في «معكم مع منى الشاذلي» عن موقف زوجها وتواجده الدائم بجوارها، قائلة: «عمرو محمود ياسين قعد في المستشفى، بعد ما تخلص الزيارات يبتدي يشتغل يقعد يكتب، يا عيني بقى أنا أنام وأختي تنام، يبتدوا الممرضات يدخلوا 5 الصبح، هو لسه بقى داخل ينام».

وأشارت إلى أن شقيقتها حاولت تهيئة مساحة له ليعمل، مضيفة: «أختي بعد ما الناس تمشي تعمله زي مكتب وتقوله إحنا هننام أنا هبقى معاها اقعد إنت اكتب، وبعدين مكنش بيرضى يروح، الـ 10 أيام في المستشفى هو مش راضي يروح».

عرض هذا المنشور على Instagram

تمت مشاركة منشور بواسطة ‏WATCH IT‏ (@‏watchit‏)‏

وتابعت واصفة معاناته مع قلة النوم من أجلها: «5 الصبح دي إحنا بنعيش بقى، بيدوا بقى 500 حاجة متعلقة وضغط ويقيسوا الحرارة، فعمرو يقوم معانا وهو لسه داخل، فمبينامش، فضل بقى كده».

من جانبه، كشف نجلها محمود عمرو ياسين عن طريقته في التخفيف عن والدته خلال فترة تعبها، موضحًا: «بحس أكتر حاجة بتبسطها في حياتها شغلي أنا وأبويا، يعني دي أكتر حاجة هي مهتمة بيها، فدايمًا أكلمها في الحاجات دي في حاجات تلهيها شوية عن اللي هي حاساه أو اللي تعبها».

واسترجعت آيات موقفًا مؤثرًا لنجلها حينما كان يحاول إخبارها بنجاحاته وهي في قمة تعبها، قائلة: «في مرة كنت تعبانة أوي في المستشفى، وجاله حاجة كويسة، فكان جاي من التصوير وقاعد مع أختي وعمرو، والأوضة مضلمة، وقاعد بيحكي إن جاله إيه وهيعمل إيه»، مشيرة إلى أنها لم تقو على الرد قائلةً: «من كتر ما أنا تعبانة، إزاي أول مرة ولا أقوله إيه ده يا محمود جالك كذا، وهو تقريبًا كان فاكرني نايمة».