أحمد موسى: كامل الوزير جدع وابن بلد ومخلص وعمل إنجازات

قال الإعلامي أحمد موسى إن الرئيس السيسي بدأ تطوير منظومة القطارات بمترو الأنفاق منذ 2014 – 2015، لافتاً إلى أن قطارات الخط الأول الحديثة من إنتاج شركة "أليستون" بدأ تشغيلها اليوم، ومعلقاً: "العربات كلها مكيفة والقطر دا اللي بنشوفه في فرنسا، ووزير النقل كامل الوزير أجرى جولة اليوم بالتزامن مع تشغيله، وقد أجرى حواراً مع عدد من المواطنين".

وأضاف موسى خلال برنامج "على مسئوليتي" المذاع على قناة "صدى البلد"، أن القطارات تشهد تكنولوجيا حديثة مع عمليات صيانة دورية وأعلى معدلات للأمان، وهناك كاميرات مراقبة وسيارات مخصصة للسيدات ومقاعد لذوي الهمم وكبار السن، بالإضافة لشاشات عرض توضح مسارات القطارات والخط والمحطة.

وتابع قائلاً: "المترو أسهل وسيلة نقل من المواصلات العامة.. لو رايح من رمسيس للمرج ولا المرج للحلوان هتدفع كام؟.. أنا شخصياً كنت بركب القطر دا وكان الوسيلة المريحة والسهلة"، مؤكداً ضرورة الحفاظ على المترو لأنه مال الشعب ومصلحة الجميع.

وواصل: "الفريق كامل الوزير بيتكلم مع الركاب وبيحب يسأل الناس ويطمن عليهم لأنه جدع كدا وابن بلد وبيحب الخير وشغال ومخلص وعمل إنجازات.. وأنا ماشي على طريق الجلالة دعيت له، الطريق تم تأسيسه على أعلى مستوى من الكفاءة بتوجيهات الرئيس السيسي.. شفت بعيني ناس بتشتغل في شهر 8 في وسط الجبال.. كل دا علشان مشروعات تفيد البلد".

واستكمل أحمد موسى: "مفيش مشروعات بتتعمل في البلد إلا وبنكون كقناة صدى البلد موجودين فيه.. فيه ناس لما تعمل مشروع زي طريق الجلالة ومدينة وجامعة الجلالة 2018 تلاقيهم بيهاجموه وما بيتكلموش إلا عن الضلمة.. دي كلها مشروعات البلد ولسة فيه شغل بيتعمل على مدار الساعة".