«قولت كفاية شغل مع الزعيم».. رامي إمام يكشف كواليس مختلفة عن «حسن ومرقص» (فيديو)

كشف المخرج رامي إمام، كواليس ترشيحه لإخراج فيلم «حسن ومرقص»، الذي جمع والده الفنان عادل إمام بالفنان عمر الشريف، موضحًا أنه لم يكن متحمسًا في البداية لخوض التجربة، رغم اقتراح المؤلف يوسف معاطي عليه تقديم الفيلم.

وقال رامي إمام، خلال الماستر كلاس الخاص به ضمن فعاليات الدورة الـ47 من مهرجان القاهرة السينمائي الدولي: «مرحلة حسن ومرقص جت بعد ما خلصت أمير الظلام، وده كان أول فيلم أعمله، وعملت بعده غبي منه فيه، وبوحة، وتمن دستة أشرار، وبعدين كلاشنكوف».

وأضاف: «كنت رايح أمضي مع الأستاذ وائل عبد الله تلات أفلام تانيين، لحد ما لقيت مكالمة من الأستاذ الكبير يوسف معاطي بيقولي: رامي إحنا عندنا فيلم عايزين نعمله، قولتله يا جو مع الأستاذ أنا اكتفيت جدًا كده، أنا خلاص اشتغلت وعملت اللي عليا، سيبوني أشتغل بقى خلاص».

وأوضح أن يوسف معاطي، شرح له فكرة الفيلم، قائلًا: «قالي بس ده فيلم لطيف جدًا عن علاقة بين الأشقاء المسيحيين والمسلمين، وبنتكلم عن التفرقة ما بينهم».

وتابع رامي إمام: «وكان أيامها أحداث الكشح في 2006، وإحنا كنا في 2007.. قولتله يا جو الموضوع مش ناقص، قالي بس إحنا بنفكر نعمله كده، ويبقى فيه حد مع الأستاذ عادل.. قولتله أرجوك متكلمنيش في الحكاية دي تاني، وقفلت السكة مع يوسف معاطي».

وأشار إلى أنه كان يستعد وقتها للتوقيع على ثلاثة أفلام جديدة مع المنتج وائل عبد الله، قبل أن يتلقى الأخير اتصالًا هاتفيًا من المنتج عماد الدين أديب، صاحب شركة «جود نيوز»، لتتواصل بعدها كواليس ترشيحه للعمل على الفيلم.