ديانا هشام لزوجها بعد الزفاف: «ربنا يخليك ليا ضهر وسند العمر كله» (فيديو)

شاركت الفنانة ديانا هشام جمهورها لحظات من حفل زفافها، من خلال فيديو جمعها بزوجها، عبر حسابها على موقع التواصل الاجتماعي، معبرة عن سعادتها الكبيرة بهذه المناسبة.

ووجهت ديانا هشام رسالة رومانسية لزوجها، قائلة: «يا حبيب قلبي أنت والله، ربنا يخليك ليا ويفرح قلبك زي ما فرحتني وخليتني أعيش حلم بجد، أنا كنت حاسة إني مش في الدنيا من كتر الفرحة».

وأضافت: «ربنا يخليك ليا يا أحن وأطيب أخ وأب في الدنيا، ويكرمك ويفرحك زي ما فرحتني وخليت كل الناس فرحانة ومبسوطة، أنت مفيش منك في الدنيا دي، أنا بتحسد عليك يا حبيبي».

واختتمت رسالتها قائلة: «ربنا يحميك ويخليك ليا يارب ضهر وسند العمر كله، بحبك أوي، وشكرًا لكل الناس اللي تعبوا معايا، كان أحلى يوم في الدنيا والله».

وكانت احتفلت الفنانة ديانا هشام السبت الماضي، بحفل زفافها وسط أجواء من البهجة والسعادة، بحضور عدد من أفراد أسرتها وأصدقائها المقربين، إلى جانب مجموعة من نجوم الوسط الفني.