بينهم «سهلة الأذية» و«الأوضة الضلمة».. إليسا تطرح 14 أغنية جديدة ضمن ألبومها «أليسار»

طرحت النجمة إليسا ألبومها الجديد «أليسار» الذي يحمل رقم 14 في مسيرتها، اليوم 5 نوفمبر ، الموافق يوم الخميس، على «يوتيوب»، ويتكون «أليسار» من 14 أغنية، وجاءت الأسماء على النحو التالي: «ليل يا ليل - هبطل أحب - بدي ياك - كشف الحساب - شتا الرياض- مطارات- ما تلاقيناش - سهلة الأذية - يبليك بالحب - احتمال - وشي نور - عطيني غمرة - وعدني - الأوضة الضلمة».

واستخدمت إليسا، خلال حملتها التشويقية، اسم «Album 14»، قبل أن تكشف عن العنوان النهائي، الذي اختارت أن يكون مستمدًا من اسمها الحقيقي، في خطوة لاقت تفاعلًا من جمهورها.

ويضم الألبوم مجموعة من الأغنيات بلهجات مختلفة، من بينها المصرية واللبنانية والخليجية، كما يشهد تعاونات موسيقية وشعرية متنوعة، من بينها تعاونها مع الشاعر والملحن مروان خوري في عدد من الأغنيات، إلى جانب عودة تعاونها مع الشاعر محمد رفاعي بعد سنوات من الغياب.

أغنية «ليل يا ليل» من كلمات ملاك عادل، ألحان محمد يحيى، توزيع هادي شرارة، وتقول كلماتها:

ليل يا ليل

في شئ فينا مقوينا

وبنسند روحنا علينا

وأنا وأنت الهوى يرمينا

يلاقينا

واقفين على رجلينا

وحاضنين روحنا بإيدينا

من فرحتنا بليالينا

غنينا

بإحساس لليالي

ولقمر الليالي

ولسهر الليالي

وآه يا طول الليالي

ليل يا ليل

فاكر ولا نسيت يا ليل

ياما سهرنا الليل يا ليل

بس نفسنا كان طويل

ياما مشينا ياما مشينا وحاولنا وروحنا وجينا

علشان اليوم ده يجينا

وبقينا

أنا وأنت هنا لبعضينا يا هنانا وطول ليالينا

اتحبينا وحبينا

وغنينا

أغنية «هبطل أحب» من كلمات نادر عبدالله، ألحان تامر عاشور، توزيع جلال حمداوي، وتقول كلمات الأغنية:

هبطل أحب

أنا موافقة.. ما فيش حاجة بينّا متكافئة

و يا خسارتي فـ حياتك كنت أنا مكافأة

ما فيش حنيّة تتقابل مع القسوة

فـ لو أكمّل معاك هبقى أنا منافقة

لا أنا أشبهلك..ولا أنا زيّك، ولا أستاهلك

وأنا فـ كلّ الظّروف أنا ناوية أتجاهلك

سيبك منّي ويا ريت ما تقولش ولا كلمة

عشان عارفاك كلامك كلّه مستهلك

أنا هبطّل مقابلاتك

هبطّل أحبّ وحياتك

يا ريت تدعيلي إنّي أنسى

وكتّر لي، في دعواتك

راحت جنبك، راحة بالي

فـ علاقة ما كانتش لايقالي

فلا أنت بقيت حبيب سابق

ولا هتبقى...حبيب حالي

بلا طيابة... بلا محبّة، بلا خيابة

بعيد تفكير عشان ما أضعفش وأتغابى

دا أنا حياتي غنا وفرحة، وأنا لوحدي

لكن جنبك حياتي هتتملي كآبة

أغنية «بدي ياك» من كلمات علي مولى، ألحان مروان خوري، توزيع هادي شرارة، وتقول كلماتها:

بدي ياك

لو في نسيان

كان البعد وقتا قدر

ينسّي الصدف صوت البحر

فيك تنسى غراضك وين حطيتن

أو فيك تنسى أسامي ناس التقيتن

بس يا ريت المشاعر بتقلا إنسي بتقلك حاضر

بدي ياك

كرهانة الدنيي بلاك

ولو بدك تكسر قلبي

قلبي فداك

حاجي قلك إني قويت

ورح إعشق غيرك بكرا

أنا قلبي قشة كبريت

وبالعمر بيولع مرة

أغنية «كشف الحساب» من كلمات نادر عبدالله، ألحان عزيز الشافعي، توزيع أحمد إبراهيم، وتقول كلماتها:

كشف الحساب

كشف الحساب تقل وعلى آخره اتملى

ويا اللي ساب

ويا اللي كان في الغدر ماركة مسجّلة

فـ أنا لما قلّبت في دفاتري المهملة

جيت ناوية يتصفّى الحساب

مش هرحمه اللي معايا فجأة قلب عدو

مش هعتقه لا مش هسيبه هعقدو

ومع اللي خان عشرة زمان، وطلع جبان

هنهيله أيامه اللي على إيدي ابتدوا

وما يشفيش غلّي

لو يرجعلي، ويتوسّللي

ويدمّعلي، ويتذلّلي

لو يحصله كمان ضعف الوجع اللي حاصلي

وما يشفيش غلّي

أبقى أنا حابة ناس كارهينه

وأفضل أقلّل منه، وأهينه

وأفضل أجيبه الأرض طول العمر اللي فاضللي

وما يشفيش غلّي

من الوجع اللي حاصلي

وما يشفيش غلّي

من الوجع

مش هنسى يوم واحد وأنا معاه اتسرق

ولا قهرتي وزعلي، ودمي اللي اتحرق

أنا ناوية أغرّقه في الهموم، وعلى العموم

أنا شايفة إنه بجد يستاهل الغرق

أغنية «شتا الرياض» من كلمات عبدالله الملحم، ألحان رامي شافعي، توزيع عمر صباغ، وتقول كلماتها:

شتا الرياض

شتا الرياض وشوفتك بعد غيبة

هذا ورب البيت أقصى طموحي

كل ما أجي... آقول يا حظ جيبه

ولا يجيب الحظ إلا جروحي !!

وارجع بحزني للخبر

بردان وما عندي خبر

والشوق في قلبي كبر

والعمر راح

كم لي وانا في هالعنا

لا انت هنا ولا انت هنا

شاللي حصل ما بيننا

يكفي خلاص

البارحة بالذات كانت غريبة

سمعت صوتك رغم إني بروحي

قررت ما أكمّل معاك المصيبة

مشيت وخليتك تسولف لروحي

كثر المطر فيني وله

كثر اللي مقدر اوصله

منّك وابيه

أغنية «مطارات» من كلمات وألحان مروان خوري، توزيع داني خوري، وتقول كلماتها:

مطارات

طيّارات... مطارات

بعمري عم غيّر

رحلات ومسارات

ووجّك بيلاحقني

من مدينة لمدينة

مضيّعني وجّي وهوّي

ما بعرف كيف بيلاقيني

عم خبّي اسمي

وإرحل لبلاد

ووجّك حبيبي

بعدو باقي مطرحو

طب انت كيف

بيمرق خريف

صيف وشتي

ووجّك عبابي بلمحو

محرّم حبيبي عالغياب

وجّك قمر عُمره ما غاب

سيارات... ع طرقات

عجقة وجوه وأغاني وحكايات

أغنية «ما تلاقيش» من كلمات أحمد مالكي، ألحان محمد يحيى، توزيع أحمد أمين، وتقول كلماتها:

وما تلاقيناش... أنا وأنت ف نقطة تجمع بيننا ما تبعدناش

ولآخر لحظة قرب حاولنا وما قدرناش... وما تلاقيناش

كان بينّا شعور... لكن بالوقت فضلنا نعلي ما بيننا السور

ضيعنا الحب وحولناه وقت ومهدور... وما شافش النور

وخليك فاكر... إني مسكت وقلت نحاول للآخر

وإنت ضعفت وقلت لي اسف مش قادر

وما غيرتش حاجة في نفسك ولا ضحيت

كنت بجامل

قلت هاحبه في عيبه ومين فينا الكامل

ضايع حقي وواخد حقك بالكامل

واما لاقتني بضيّع نفسي في ثانيه مشيت

ومين هايعيش... مع حد في حبه أناني بياخد ما بيديش

وبيغلط عادي لكن في حقوقه ما بيعديش

وأنا ما رضلتيش

اعمل مجهود

يترمي عالأرض وألاقي نهايته طريق مسدود

ماشيين بالعكس وحالة يأس انك موجود

وده كان مرفوض...

أغنية «سهلة الأذية» من كلمات أحمد راؤول، ألحان أحمد زعيم، توزيع أحمد عبدالسلام، وتقول كلماتها:

سهلة الأذية

أنا مش ضعيفة

أنا ممكن أقلب واحدة تانية وأكون مخيفة

ممكن تشوفني في وش تاني وأبهرك

وش البراءة

عادي بسهولة تشوفه مليان بالجراءة

وزي مانت قهرتني عادي أقهرك

سهلة الأذية

سهل أوجعك وتحس باللي عملته فيا

سهل انتقم وأعيش في دور المظلومية

أنا قوتي إني أمسحك من عمري كله

وأما ألمحك ما تهزليش ولا شعرة فيا

خرجت مني

كنت فاكر أني بين إيدك ضامنني

ومجاش في بالك يوم عليا أحسرك

واجعك غرورك

شايفني جامدة ثابتة مش خايفة في حضورك

وخلاص من النهاردة أنا جاهزة أخسرك

أغنية «يبليك بالحب» من كلمات محمد رفاعي، ألحان وتوزيع أحمد إبراهيم، وتقول كلماتها:

يبليك بالحب

الله يبليك بالحب

ولا يهدى لقلبك بال

بدعيها عليك من قلب

كان نفسه في حتى سؤال

واخدني معاك على فين

لا عارفه يمين من شمال

أنا قلبي مع العشاق

مين حب وكان مرتاح

يا راميني في نار أشواق

أنا ليلي طلع له صباح

باب قلبي قفل عليك

ولا عارفه ليه مفتاح

أنا يعني عملت ايه

حبيت من غير حساب

مين قال الحب ذنب

ده الحب أجمل عذاب

وه يا حبيبي اه

ده أنا قصتي في حبك

دي تتعمل كتاب

أنا مالي ومال الناس

ما يقولو اللي يقولوه

جوايا ليك إحساس

يتمنوا إن يعيشوه

نفسي اللي لاموا عليا الحب يجربوه

الحب ملوش حسابات

مين كسبان مين خسران

الحب بيحيي القلب

وتحس إنك انسان

الحب دنيا حلوة

بيعيش فيها العشاق

أغنية «احتمال» من كلمات أمير طعيمة، ألحان وليد سعد، توزيع تميم، وتقول كلماتها:

احتمال

احتمال... يوم قابلتك في الخيال

احتمال كنت الجواب... يا حبيبي لمية سؤال

احتمال... كنت نسمة صيف في ليل

احتمال كنت الدليل... وسط مشواري اللي طال

احتمال حبينا بعضنا من سنين... أو مخلوقين... في زمن بعيد

احتمال اللي احنا عايشين فيه ده كان... عشناه زمان... و في لحظة عشناه من جديد

احتمال أنا وأنت م اللي حسيناه... عشنا حياة... قبل الوجود

أو كنا غنوة حبيبي تعزفها النايات... وسط السكات... أو ضحكة على خد الورود

أرواحنا عرفت بعضها في عالم بسيط... أو كنا بيت... فوق الجبال

أو كنا موجة في بحر حاضناه النجوم... يوم بعد يوم... تكتب حروفنا على الرمال

أغنية «وشي نور» من كلمات نادر عبدالله، ألحان تامر عاشور، توزيع أحمد إبراهيم، وتقول كلماتها:

وشّي نوّر

وشّي نوّر

شكلي بقى أصغر، تصوّر

لو تحبّ أتغيّر أكتر، تستحقّ

وشّي نوّر

فكّر، اسأل، بص، دوّر

هتلاقيني ببقى وأنا جنبك أرقّ

شوق ولهفة

خلّوا لمسة إيدي، أدفى

خلّوا بصّة عيني وأنا شايفاك، أحنّ

بندفعلك

حتى لو كان ردّ فعلك

إنّي مجنونة وبقيت في هواك، أجنّ

كلّ حاجة ليك خدتني

فيها حاجة غيّرتني

عيّشتني فـ حالة خلّتني اتبسطت

كلّ دي أعراض محبّة

مش هينفع تستخبّى

كلّ دا بيحصل عشان بيك ارتبطت

جات ليالي

وقتها معاك كان مثالي

جات معاك أحاسيس كتير قبلك ما جاتش

عشت سنّي

عشت أيّام فاتوا منّي

عشت بيك حتى اللي لسّه كمان ما فاتش

أغنية «اعطيني غمرة» من كلمات وألحان مروان خوري، توزيع هادي شرارة، وتقول كلماتها:

اعطيني غمرة

في إشيا صعبة بتتأمّلا بوقتا

بتلاقي إنّا ما إلها حلّ

خلّيها تمرق تركها لوقتا

ما بتنسى لكن وجعك بيقلّ

قرّب يا حبيبي عطيني غمرة

ودّع الماضي السعيد

ما قدرنا ننسى الماضي بكرا

مننسى من بعدو أكيد

قرّب حياتي منّي عندي تمنّي

نفرح باللي باقي

نسرق اللحظة ما رح إبكي أنا

وتخبّي دمعة عنّي

وجّك لحظة بقياني لنا

بدي بآخر ليلة تغفا بحضني !

لو كان بإيدي أو كان قراري

ما كان بعمري بتخلّى عنّك

لكن واقعنا وسوء اختياري

خلّا الليالي تحرمني منّك

أغنية «وعدني» من كلمات سهام شعشاع، ألحان أيمن قميحة، توزيع كميل خوري، وتقول كلماتها:

وعدني

وعدني ما قوة بتاخذك مني

وما في حدا رح يبعدك عني

وعدني لأني بخاف لما تفل

تفضى حياتي من الورد والفل

وعدني انا وياك منكفي

وطول العمر رح توقف بصفي

بكفة الدني وانت وانا بكفة

أوعى شي يوم تروح جنبي ضل

وعدني لأني بحس لما تغيب

متل اللي فيي جروح ما بتطيب

وعدني لأني ما إلي بعدك

غيرك ما بدي يا حبيبي حبيب

قلبي معك متل الطفل فرحان

إنت لقلبي البيت والعنوان

وبشوف حالي فيك بين الكل

أجمل ما شفت بهالدني إنسان

وعدني وأنا بصدق دفا الوعود

بفرح إذا بشوفك معي موجود

شو السر إنك مش متل هالناس

بعز الصمت عم تفهم المقصود

أغنية «الأوضة الضلمة» من كلمات وألحان عزيز الشافعي، توزيع أحمد عبدالسلام، وتقول كلماتها:

الأوضة الضالمة

هبعد أكتر وقت أقدر أبعد فيه

وأما الشوق يغلبني هفضل أحايل فيه

قلبي استحمل ياما فيه اللي مكفيه

وإزاي بس يحبك قلبي اللي بتإذيه

مش هتحمل ضغط على أعصابي كمان

مش هنعيده من تاني... أنا مش زي زمان

أعمل ايه بالحب... لو مش حاسه أمان

وازاي لسه بحبك... مش حب ده إدمان

زي الأوضة الضالمة روحي فيها اتحبست

زي التهمة الظالمة اللي عليا اتثبتت

كل بيبان الدنيا فجأة في وشي اتقفلت

جيت أشكيلك منك وإزاي منك هفلت

انا محتاجه لوقت أقعد فيه مع نفسي

سبني يا ريت دلوقت سبني لهمي ويأسي

هتهديني إزاي... ايه هتقوله ينسي

ده أنا عشان لسه بحبك قربت أكره نفسي