إسلام إبراهيم يوجه رسالة دعم لـ أشرف زكي: «دخلت بيته كأخ وأب مش بس نقيب»

حرص الفنان إسلام إبراهيم، على مساندة الدكتور أشرف زكي، نقيب المهن التمثيلية، من خلال منشور مطول عبر حسابه الرسمي على موقع «إنستجرام»، استعرض خلاله مواقفه الإنسانية والمهنية معه، مشيدًا بدوره في دعم الفنانين ومساندتهم في مختلف الظروف.

وقال إسلام إبراهيم: «أنا دخلت بيت دكتور أشرف كأخ وأب مش بس نقيب لأن بيته وقلبه مفتوحين لكل الناس ولكل حد بيحتاجله، كلت معاه عيش وملح ووقت الصلاة كان بيأمنا وبنصلي زي أي بيت مصري طيب. إنسان محترم وطيب وخلوق ومربي ولاده أحسن تربية ده على المستوى الإنساني».

تابع: «على المستوى المهني بقى وخلال مشواري اتعرضت لظلم كبير مع أطراف أقوى مني بكتير بس لما كان بيعرف إن الحق معايا كان بيبقى الدهر والسند لغاية ما يجيبلي حقي أو على الأقل يحل المشكلة».

وأضاف: «تجربة مرضي خلتني فرحت وحسيت بالأمان لما عرفت إني لما أكبر أو أتعب وملاقيش حد جنبي ألاقي مكان يحافظ عليا ويرعاني زي دار رعاية كبار الفنانين والتاريخ يشهد قد إيه الفنانين كانوا محتاجين لده».

وأكمل: «دكتور أشرف مبيسيبش حد في الفرح والحزن والمرض تقريبا مبينامش وده جه على صحته وراحته وعرضه للخطر أكتر من مرة وبردو مبيهموش».

واختتم إسلام إبراهيم منشوره قائلا: «أما عن دور الثقافي والفني واللي يهم عموم الناس مش بس الفنانين مهرجانات المسرح تشهد ومهرجان الدرما ورعاية للشباب الجديد الموهوب اللي بيعتبرهم ولاده واللي عشانهم بردوا عمل مسلسل (تياترو)، بس السوشيال ميديا عندها القدرة تقلب أي حقيقة في الدنيا لعكسه، بس معلش ده قدرنا العمل الخدمي ده قدرة وملكة وطاقة مش موجودة عند معظم البشر. دكتور أشرف ذكي نقيبي وأفتخر».

عرض هذا المنشور على Instagram

تمت مشاركة منشور بواسطة ‏Islam Ibrahim‏ (@‏islamibrahimsnl‏)‏

وتأتي رسالة إسلام إبراهيم بالتزامن مع الجدل المثار حول نقابة المهن التمثيلية، بعدما تقدمت الفنانة لقاء سويدان ببلاغ ضد النقابة، تضمن اتهامات بوجود مخالفات مالية وإدارية في إدارة أموال النقابة والتعاقدات الخاصة بعدد من المسارح، وطالبت بفتح تحقيق في الوقائع ومراجعة التصرفات المالية، وعلى رأسها ما يتعلق بالفنان أشرف زكي، نقيب المهن التمثيلية.