أشرف عبد الباقي عن شخصية جواهر بـ«الناظر»: علاء ولي الدين استلهم كل تفاصيلها من والدته

تحدث الفنان أشرف عبد الباقي عن تفاصيل العلاقة القوية والمميزة التي جمعت الفنان الراحل علاء ولي الدين بوالدته، كاشفًا عن كواليس استلهامه لشخصية «جواهر» الشهيرة في فيلم «الناظر» من والدته الحقيقية، إلى جانب مواقف طريفة جمعتهما خلال فترة مرضه.

وقال أشرف عبد الباقي في تصريحاته مع معتز الدمرداش بـ«ضيفي»: عن تقمص علاء لشخصية والدته: «علاء ولدي الدين قدم دور جوار نفس شكل والدته بالظبط بالملي، بشكل النضارة، بطريقة كلامها، بالربطة بتاعة المنديل إزاي، بالحاجات دي».

وأضاف متحدثًا عن قوة ارتباطهما ومعاناته مع الحرمان من الطعام بسبب المرض: «هو كان ارتباطه كمان بوالدته كان ارتباط فظيع يعني، أنا حضرت معاه فترة طويلة، وقت ما كان تعبان مثلًا، كان ممنوع من أكل معين، وقتها المرض جاله في أكتر حاجة بيحبها، بيحب الأكل».

عرض هذا المنشور على Instagram

تمت مشاركة منشور بواسطة ‏Rabab Elghzaly - رباب الغزالي‏ (@‏rababelghzaly‏)‏

وتابع كاشفًا أحد المواقف الطريفة بينهما: «إحنا كنا ممكن نخلص مسرح نروح نقعد في مطعم ولا حاجة، وهو جايب معاه علبة كده في شنطة، علبة لمطعم معين بيقدم أكلات للي عندهم السكر ولا اللي عندهم أي حاجة، فياكلوا الحاجة دي، فالأكل نفسه علاء شايفنا الأطباق قدامنا عاملة إزاي، فهو يقعد جنبي مثلاً يقولي: وحلوة البتاعة دي؟».

واستكمل عن حيلة والدته لإطعامه: «والدته بقى الله يرحمها كانت أما تيجي تسخّن له الأكل اللي جايله ده، فتسخنهوله في البيت، فتقوم حاطاله صباعين كفتة هي عاملاهم، وهو يعمل إن مش عارف إن دي بتاعة مامته، فياكلهم طبعاً! لا هي مقتنعة بالأكل ده، ولا هو مقتنع بيه».

كما أكد أن الراحلة كان شدية الارتباط به مثل شخصية ماما نونة، مضيفًا: «المحبة أوي.. تعمله شعرية باللبن، تعمله مش عارف إيه.. أيوة، يا سلام».