«فيه حاجات كويسة».. شهيرة تكشف تفاصيل اتباعها نظام الطيبات (فيديو)

كشفت الفنانة شهيرة عن تجربتها مع نظام الطيبات، موضحة أنها تحاول الالتزام به، لكنها لا تطبقه بشكل كامل، مشيرة إلى اقتناعها ببعض الأفكار التي يعتمد عليها النظام، رغم أنها لم تلاحظ تغييرًا واضحًا في حالتها حتى الآن.

وقالت شهيرة، خلال استضافتها في برنامج «Mirror»، الذي يقدمه الإعلامي خالد فرج: «أنا ماشية على نظام الطيبات بس مش ماشية مظبوط، بمعنى إني لازم أشرب شاي بلبن الصبح، وفي نظام الطيبات اللبن ممنوع خالص، بس أنا باخد حبة صغيرين غير اللي كنت باخده الأول».

وأضافت أنها امتنعت عن تناول الفراخ والبيض، قائلة: «أنا كنت شوفت فيديو مش حلو للفراخ، فمنعت الفراخ والبيض».

وعن تأثير النظام عليها، أوضحت شهيرة: «مفيش حاجة ملحوظة عندي، لكن أنا مقتنعة بحاجات كتير، زي موضوع الدقيق الأبيض والدكاترة كلهم قالوا عنه مش كويس».

وأشارت إلى أن هناك أمورًا في النظام تراها جيدة، وأخرى يصعب عليها تنفيذها، مضيفة: «في حاجات في النظام كويسة وفي حاجات مش هنقدر ننفذها، لكن فيه حاجات أنا مقتنعة بيها فبعملها، لكن معنديش نتيجة واضحة، لكن أعرف ناس قريبين مني حياتهم اتغيرت».