كشفت الفنانة غادة عبدالرازق عن أسباب تعدد زيجاتها، وحسمت الجدل المثار حول عددهم الحقيقي، وذلك بعدما ترددت خلال السنوات الماضية أرقام مختلفة وصلت إلى 13 زيجة.
وأكدت عبدالرازق خلال استضافتها ببرنامج «ABtalks» لأنس بوخش، عبر منصة «يوتيوب»، أن تلك الأرقام التي تم تداولها بشأن عدد زيجاتها لم تكن صحيحة، مُشددة على أنها تزوجت 5 مرات.
وقالت: «أكيد أنت لما عملت بحث لاقيت حد بيقول 11 وحد بيقول 12 وحد بيقول 13، خلي بالك أنا كنت بقول الارقام دي علشان استفزهم، لأن هما كانوا بيكتبوا حاجات غلط وماكنوش بيرجعوا للمصدر الحقيقي اللي هو أنا، فكانوا أخديني مادة، فأنا كنت سيباهم وساعات كنت استفزهم وأقولهم أنتوا كاتبين غلط هما مش 10 هما 12، واساعات استفزهم وأقولهم هما أكتر من 12».
أنس بوخش لـ غادة عبدالرازق: «كيف حالك؟».. والفنانة ترد: «بقيت حساسة ودمعتي قريبة» (فيديو) غادة عبدالرازق تكشف عن أكثر صفاتها التي لا تحبها: «عندي جلد ذات مستمر» (فيديو) غادة عبدالرازق تكشف تأثير وفاة والدها على تربيتها: «ماما كانت شديدة علينا»وعن سبب تعدد زيجاتها، ذكرت عبدالرازق أنها تُحب الاستقرار والشعور بالأمان، مُضيفة أن مشاعر الحب لديها تتُرجم بالزواج، إذ قالت: «لما باجي ارتبط بإنسان وأحس ناحيته بمشاعر، أنا المشاعر عندي تترجم إلى الزواج، مابحبش الدخول في العلاقات، طبيعتي أو يمكن التربية اللي اتربيتها خلقت فيا دة من غير ما أحس، مابحبش كلمة نتصاحب، هنتصاحب يبقى يلا نخرج نتعشى، نتغدى، نفطر».
وأضافت: « أيوة هنقعد 5 أو 6 شهور هنفطر ونتغدى ونتعشى، لأن أكيد أنت مش هتوصل معايا لشيء أكتر من دة، طيب ما أحنا نتجوز ونعيش الحياة الحلوة ونفطر ونتغدى ونتعشى ونسافر ونروح ونيجي ولو مفيش نصيب خلاص دة حلال ربنا أنا مابعملش حاجة حرام، دي حاجة ماتعبنيش، أنا بعمل حاجة خلال ربنا وبعملها صح، ربنا كرمني فيها خير وبركة، ربنا مش كاتبلي فيها، يبقى نخرج لطاف وفي يوم من الأيام قضينا وقت حلو مع بعض بحلوه ووحشه، لكن يعني إيه أقضي حاتي كلها أصاحب وأجرب، ليه؟»
وأشارت عبدالرازق إلى أنها شعرت بالحب اتجاه أزواجها الخمسة، حتى وإن كان بعض منهم اختيار خاطئ، موضحة: «أكيد حبيت الخمس مرات للأني لو ماحبتش ماكنتش اتجوزتهم حتى لو كانت اختيارات غلط، كان فيه اختيارات غلط، وبكن كنت متوقعة وكان عندي آمال وبعد ما الآمال دي خابت قولت هعمل مجهود مضاعف علشان أوصل للي أنا عوزاه، ولكن لما بحس بخيبة الأمل حتى بعد المجهود اللي عملته بكتشف أنه من الأول ماكنش فيه فايدة بس أنا اللي كنت بضحك على نفسي، انا اللي عايزة أكمل، أنا اللي مش عايزة أخرب البيت، أنا اللي عايزة أبقى مستقرة أنا اللي عايزة أحس بالأمان».
- غادة عبدالرازق تكشف عن أكثر صفاتها التي لا تحبها: «عندي جلد ذات مستمر» (فيديو)
- أحمد إبراهيم يفتح النار بسبب تجاهل الموزعين: «حلال فيكم الـAI والله» (تفاصيل)
- غادة عبدالرازق تكشف تأثير وفاة والدها على تربيتها: «ماما كانت شديدة علينا»
- غادة عبد الرازق: «أنا طيبة وغلبانة والحياة أجبرتني أكون قوية»
- أنس بوخش لـ غادة عبدالرازق: «كيف حالك؟».. والفنانة ترد: «بقيت حساسة ودمعتي قريبة»
